Plantun de Prouvènço

Pèr coumpara dos planto d'encò nostre

Galinsoga quadriradiata & Juncus effusus

Galinsoga quadriradiata

Asteraceae Compositae

Nom en français : Galinsoga cilié.

Descripcioun :
Li galingosa soun de planto de l'an que nous vènon d'Americo dóu miejour. An de fueio óupousado, entiero e largo. La flour coumpausado, pichoto, es eisado de recounèisse. Ei jauno au mitan e blanco à l'entour. Li ligulo soun au noumbre de 5. Se destrìo de Galinsoga parviflora, majamen qu'èi proun pelouso.

Usanço :
Aquesto planto èi bono a manja. Li fueio e peréu li flour se podon metre dins uno ensalado coumpausado o meme cousina cuecho.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Galinsoga
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Printèms Autouno

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ
Estànci : Mesoumediterran à Mountagnard
Couroulougi : Pancaro entresigna
Ref. sc. : Galinsoga quadriradiata Ruiz & Pav., 1798

Jounc-de-froumage

Juncus effusus

Juncaceae

Autre noum : Jounc-de-toumo.

Noms en français : Jonc diffus, Jonc épars.

Descripcioun :
Aquéu grand jounc trachis dins li palun, li mueio e li prado umido. Se recounèis majamen que li cambo, pleno, se roumpon eisa au contro dóu jouncas, Juncus inflexus. L'enflourejado es en ventau e li guèno di fueio soun bruno.

Usanço :
Coume soun noum lou dis, aquéu jounc servié à passa tèms à estourri li froumage (TdF). Se fasié de clado emé li tijo mounte èron pausa li caiat.